ಮುಂಬರುವ ZP, TP ಚುನಾವಣೆಗೆ ಪಕ್ಷದ ಸಂಘಟನೆಗೆ ಕಾರ್ಯಕರ್ತರು ಶ್ರಮಿಸಬೇಕು – ದಯಾನಂದ ಮೇತ್ರಿ

ಹುಮನಾಬಾದ : ಬಿಜೆಪಿ ಪಕ್ಷದ ಕಾರ್ಯಕರ್ತರು ಮುಂಬರುವ ತಾಲೂಕ ಪಂಚಾಯತ್, ಜಿಲ್ಲಾ ಪಂಚಾಯತ ಚುನಾವಣೆಗೆ ಪಕ್ಷದ ಸಂಘಟನೆಗೆ ಶ್ರಮಿಸಬೇಕು ಎಂದು ಬಿಜೆಪಿ ಒಬಿಸಿ ಮೋರ್ಚಾ ಜಿಲ್ಲಾ ಉಪಾಧ್ಯಕ್ಷ ದಯಾನಂದ ಮೇತ್ರಿ ತಿಳಿಸದರು. ತಾಲೂಕಿನ ಹುಡಗಿ ಗ್ರಾಮದಲ್ಲಿ ನೂತನ ಪಿಕೆಪಿಎಸ್ ನಿರ್ದೇಶಕರಿಗೆ ಸನ್ಮಾನಿಸಿ ಮಾತನಾಡುತ್ತಾ ತಿಳಿಸಿದರು. ಶಾಸಕ ಡಾ. ಸಿದ್ದು ಪಾಟೀಲ್, ಜಿಲ್ಲಾ ಅಧ್ಯಕ್ಷ ಸೋಮನಾಥ ಪಾಟೀಲ್ ಅವರ ನೇತೃತ್ವದಲ್ಲಿ ಮುಂದಿನ ಚುನಾವಣೆಯಲ್ಲಿ ಪಕ್ಷ ಜಯಬೇರಿ ಹೊಡೆಯುತ್ತದೆ ಎಂದು ವಿಶ್ವಾಸ ವ್ಯಕ್ತಪಡಿಸಿದ್ದರು. ತಾಲೂಕಿನ ಹುಡಗಿ ಗ್ರಾಮದ ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರ ಸಂಘದ ಚುನಾವಣೆಯಲ್ಲಿ 8 ಜನ ಬಿಜೆಪಿ ಬೆಂಬಲಿತ ನಿರ್ದೇಶಕರಾಗಿ ಆಯ್ಕೆ ಆಗಲು ಕಾರಣರಾದ ಹುಡಗಿ, ಕಪರಗಾಂವ, ವಡ್ಡನಕೇರಾ ಗ್ರಾಮದ ಮತದಾರರಿಗೆ ನೂತನ ನಿರ್ದೇಶಕರಾದ ಬಸತೀರ್ಥಯ್ಯ ವೀರಭದ್ರಪ್ಪ ಸಿಂಧನಕೇರಾ ಸನ್ಮಾನ ಸ್ವೀಕರಿಸಿ ಮಾತನಾಡಿ ಮತದಾರರಿಗೆ ಧನ್ಯವಾದಗಳು ಸಲ್ಲಿಸಿದರು. ರೈತ ಮತದಾರರು ಬಿಜೆಪಿ ಬೆಂಬಲಿತ ಅಭ್ಯರ್ಥಿಗಳ ಮೇಲೆ ವಿಶ್ವಾಸವಿಟ್ಟು ಬೆಂಬಲಿಸಿದಕ್ಕೆ ಧನ್ಯವಾದಗಳು ಸಲ್ಲಿಸಿದರು. ನಿರ್ದೇಶಕರಾದ ಅಶೋಕ ಪಾಟೀಲ್ ಮಾತನಾಡಿ, ಸರ್ಕಾರದಿಂದ ರೈತರಿಗೆ ಸಿಗುವ ಸೌಲಭ್ಯಗಳನ್ನು ಒದಗಿಸಿಕೊಡುವುದಾಗಿ ಭರವಸೆ ನೀಡಿದರು. ಪಿಕೆಪಿಎಸ್ ಬಿಜೆಪಿ ಬೆಂಬಲಿತ ಅಭ್ಯರ್ಥಿಗಳಿಗೆ ಮತಕೊಟ್ಟು ಗೆಲ್ಲಿಸಿದ್ದಕ್ಕೆ ಧನ್ಯವಾದಗಳು ಸಲ್ಲಿಸಿದರು. ಬಿಜೆಪಿ ಒಬಿಸಿ ಮೋರ್ಚಾ ಜಿಲ್ಲಾ ಉಪಾಧ್ಯಕ್ಷ ದಯಾನಂದ ಮೇತ್ರಿ ನೇತೃತ್ವದಲ್ಲಿ ನೂತನ ನಿರ್ದೇಶಕರಾದ ಶರಣಪ್ಪ ಕರಬಸಪ್ಪ ಸಿದ್ದಣ್ಣ, ಮಡಿವಾಳಪ್ಪ ಸಿದ್ರಾಮಪ್ಪ ಭಗೀರಥಿ, ಕಿಶನಸಿಂಗ್ ಹರಿಸಿಂಗ ರಾಜಪುತ್ರ, ಭಾರತಿ ವಿಶ್ವನಾಥ ಮಾಶೆಟ್ಟಿ, ಈರಮ್ಮಾ ಗುರುಲಿಂಗಪ್ಪ ಮಲ್ಲಶೆಟ್ಟಿ ಇವರನ್ನು ಸನ್ಮಾನಿಸಿದರು. ಪ್ರಮುಖರಾದ ಚನ್ನಪ್ಪ ಖನಶೆಟ್ಟಿ, ರೇವಣ್ಣಪ್ಪ ಮುಸ್ತರಿ, ಪರಮೇಶ್ವರ್ ಮಲಶೆಟ್ಟಿ, ಮಹಾ ಶಕ್ತಿ ಕೇಂದ್ರ ಅಧ್ಯಕ್ಷ ಶಿವಕುಮಾರ್ ಮಾಶೆಟ್ಟಿ, ಬಿಜೆಪಿ ಬೂಟ್ ಅಧ್ಯಕ್ಷ ಯುವರಾಜ್ ಬೋಯಿ, ಲಿಂಗರಾಜ ಮೇಲದೊಡ್ಡಿ, ಬಸವರಾಜ ಮೇಲದೊಡ್ಡಿ, ಪ್ರಭಾಕರ ಬಿರಾದಾರ್, ಅಶೋಕ ಮೂಲಗೆ, ಸಂಗಮೇಶ ಮೇಲದೊಡ್ಡಿ, ಶಿವರಾಜ ವಾಡೆಕರ್, ಶ್ರೀದೇವಿ ದಯಾನಂದ ಮೇತ್ರಿ ಸೇರಿದಂತೆ ಇತರರು ಉಪಸ್ಥಿತರಿದ್ದರು.