ಚಿಂಚೋಳಿ ಚಂದಾಪುರ ಪಟ್ಟಣದ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ದಿ. ಜಗನ್ನಾಥ ಪಾಟೀಲ ಅವರ 14 ನೇ ಪುಣ್ಯ ಸ್ಮರಣೆ ನಿಮಿತ್ಯ ಶಾಲೆಯ ಮಕ್ಕಳಿಗೆ ನೋಟ್ ಬುಕ್ ಹಾಗೂ ಪೆನ್ ವಿತರಣೆ ಮಾಡಲಾಯಿತು. ಕಾರ್ಯಕ್ರಮದಲ್ಲಿ ಮಾತನಾಡಿದ ಕಾರ್ಯ ನಿರ್ವಾಹಕ ಅಧಿಕಾರಿ ಶಂಕರ ರಾಠೋಡ ವಿದ್ಯಾರ್ಥಿಗಳಿಗೆ ಗುರುಯನ್ನು ತಲುಪಿಸುವವರು, ವಿದ್ಯಾರ್ಥಿಗಳು ನಿರಂತರವಾಗಿ ಓದುವುದು ಮುಖ್ಯ, ತಂದೆ, ತಾಯಿ, ಹಾಗೂ ಗುರುಗಳು ದೇವರ ಸಮಾನ ಆಧುನಿಕ ಜೀವನ ಭರಾಟೆಯಲ್ಲಿ ತಂದೆ ತಾಯಿಯ ಸ್ಮರಣೆ ಕಮ್ಮಿಯಾಗುತ್ತಿದ್ದು, ಸಂಜೀವ ಪಾಟೀಲ ಅವರು ತಂದೆಯ ಸ್ಮರಣಾರ್ಥ ಬಡ ಮಕ್ಕಳಿಗೆ ನೋಟ್ ಬುಕ್ ಹಾಗೂ ಪೆನ್ ವಿತರಣೆ ಮಾಡುತ್ತಿರುವುದು ಶ್ಲಾಘನೀಯ ಕಾರ್ಯ ಎಂದು ಹೇಳಿದರು. ಸರಕಾರಿ ಆಸ್ಪತ್ರೆಯ ಆಡಳಿತ ಅಧಿಕಾರಿ ಡಾ. ಸಂತೋಷ ಪಾಟೀಲ ಮಾತನಾಡಿ ಜ್ಞಾನವೆಂಬುವುದು ಹುಲಿಯ ಹಾಲಿದ್ದಂತೆ ಹುಲಿಯ ಹಾಲು ಕುಡಿದವರು ಘರ್ಜಿಸಲೇಬೇಕು ಎಂದು ಡಾ. ಬಿ ಆರ್ ಅಂಬೇಡ್ಕರ್ ಅವರು ಹೇಳಿದ್ದು ನೂರಕ್ಕೆ ನೂರಷ್ಟು ಸತ್ಯದ ಮಾತು, ಅವರು ಪಡೆದ ಪದವಿಗಳು ಒಂದು ಪುಟದಕ್ಕಿಂತ ಹೆಚ್ಚು ಆಗುತ್ತದೆ. ಈಗ ಕುಟುಂಬ ಜೀವನದಲ್ಲಿ ಮಕ್ಕಳು ತಂದೆ ತಾಯಿಯನ್ನ ವದ್ರಾಶ್ರಮದಲ್ಲಿ ಬಿಡುತ್ತಿರುವುದು ದುಃಖದ ಸಂಗತಿ ಎಂದು ಹೇಳಿದರು. ಸಮಾಜದ ಮುಖಂಡರು ಹಾಗೂ ಸೇವ ರತ್ನ ಪ್ರಶಸ್ತಿ ಪುರಸ್ಕೃತರು ಕೆ.ಎಮ್. ಬಾರಿಯವರು ಮಾತನಾಡಿ ತಾಲೂಕಿನಲ್ಲಿ ಫೋಟೋಗ್ರಾಫರ್ ಗೆ ಹೆಸರುವಾಸಿಯಾದವರು ಜಗನ್ನಾಥ ಪಾಟೀಲ್ ಅವರು ಅವರಂತೆ ಅವರ ಮಗ ಸಂಜೀವ ಕುಮಾರ್ ಪಾಟೀಲ ಅವರು ಕೂಡ ನಿರಂತರ ಚಟುವಟಿಗಳಿಂದ ಹೆಸರು ಮಾಡುತ್ತಿದ್ದಾರೆ. ಮಕ್ಕಳು ತಂದೆ ತಾಯಿ ಗುರುಗಳಿಗೆ ಗೌರವ ನೀಡಬೇಕು ವಿದ್ಯಾರ್ಥಿಗಳು ಸಾಧನೆ ಮಾಡಲು ನಿರಂತರವಾಗಿ ಕಲಿಕೆ ಮುಖ್ಯವಾಗಿದೆ ಎಂದು ಹೇಳಿದರು. ದಲಿತ ಸಮಾಜದ ಹಿರಿಯ ಮುಖಂಡ ಆರ್. ಗಣಪತ ಅವರು ಮಾತನಾಡಿ ಗುರುಗಳ ಆಶೀರ್ವಾದದಿಂದ ನಾವೆಲ್ಲ ಈ ಮಟ್ಟಕ್ಕೆ ಬೆಳೆದಿದ್ದು, ಗುರುಗಳು ಮತ್ತು ಪುಸ್ತಕಗಳು ಮಕ್ಕಳಲ್ಲಿ ಬೆಳಕನ್ನು ನೀಡುತ್ತವೆ ನಾನು ಭವನ ಧಾರ್ಮಿಕರ ಆದರ್ಶ ತತ್ವಗಳು ಆಚಾರ ವಿಚಾರಗಳು ವಿದ್ಯಾರ್ಥಿಗಳು ಪಾಲಿಸಬೇಕು ಎಂದು ಹೇಳಿದರು. ಈ ಸಂದರ್ಭದಲ್ಲಿ ಮಾಜಿ ತಾ. ಪಂ. ಅಧ್ಯಕ್ಷ ಭೀಮಶೆಟ್ಟಿ ಮುರುಡಾ, ಅಮರ ಲೋಡ್ಡನೂರು, ಮುಖ್ಯೋಪಾಧ್ಯಾಯರಾದ ಗೋಪಾಲ ಯಂಪಳ್ಳಿ, ವಿವೇಕ, ಶಿಕ್ಷಕಿಯಾದ ಸುನಿತಾ, ಸಿಬ್ಬಂದಿಗಳು ಹಾಗೂ ಮುದ್ದು ಮಕ್ಕಳು ಉಪಸ್ಥಿತರಿದ್ದರು.
ವರದಿ : ರಾಜೇಂದ್ರ ಪ್ರಸಾದ್