ಬುಟ್ಟೆಗೆ ಒಲಿದ ‘ಸಂತಪೂರ ರತ್ನ’ ಪ್ರಶಸ್ತಿ
ಔರಾದ್ : ತಾಲೂಕಿನ ಸಂತಪೂರ ನಗರದಲ್ಲಿ ಗ್ರಾಮ ಪಂಚಾಯಿತಿಯೂ ಪ್ರತಿ ವರ್ಷದಂತೆ ಗಣರಾಜ್ಯೋತ್ಸವ ದಿನಾಚರಣೆ ಕಾರ್ಯಕ್ರಮದಲ್ಲಿ ಸಾಧಕರಿಗೆ ಸತ್ಕರಿಸಲಾಯಿತು. ಪ್ರಸ್ತಕ ಸಾಲಿನಲ್ಲಿ ಆರೋಗ್ಯ ಮತ್ತು ಸಾಮಾಜಿಕ ಸೇವೆ ಗುರುತಿಸಿ ಯೋಗ ಶಿಕ್ಷಕ ಜಗದೀಶ ಬುಟ್ಟೆ ಅವರನ್ನು ಸಂತಪೂರ ರತ್ನ – ೨೦೨೫ ಪ್ರಶಸ್ತಿ ಸಂದಿರುವುದು ಗ್ರಾಮ ಪಂಚಾಯಿತಿ ಸೇರಿದಂತೆ ತಾಲೂಕಿನ ಜನರಿಗೆ ಹೆಮ್ಮೆ ಮತ್ತು ಸಂತಸ ತಂದಿದೆ. ಗ್ರಾಪಂ ವ್ಯಾಪ್ತಿಯ ಮಸ್ಕಲ್ ಗ್ರಾಮದ ಕಸ್ತೂರಬಾಯಿ ಶಿವಕುಮಾರ ಬುಟ್ಟೆ ದಂಪತಿಗಳ ಜನಿಸಿದ ಜಗದೀಶ ಬುಟ್ಟೆ ಅವರು ಹೆಸರಿಗೆ ತಕ್ಕಂತೆ ಸಾಧನೆಯ ಶಿಖರ ಏರಿದ್ದಾರೆ. ರಾಜ್ಯಮಟ್ಟದಲ್ಲಿ ಯೋಗ ಗುರುಗಳಾಗಿದ್ದಾರೆ.
ಗ್ರಾಮ ಪಂಚಾಯಿತಿ ಪ್ರಸ್ತಕ ಸಾಲಿನಲ್ಲಿ ಯೋಗ ಶಿಕ್ಷಕರನ್ನು ಗುರುತಿಸಿ ಪ್ರಶಸ್ತಿ ಪ್ರಧಾನ ಮಾಡಿರುವುದು ಜಗದೀಶ ಬುಟ್ಟೆ ಅವರು ಮಾಡಿರುವ ಕೆಲಸಕ್ಕೆ ಗುರುತಿಸಿದಂತಾಗದೆ ಎಂದು ಹರ್ಷ ವ್ಯಕ್ತಪಡಿಸಿದ್ದಾರೆ. ಜಗದೀಶ ಬುಟ್ಟೆ ಅವರು ಸಾಮಾಜಿಕ ಕಳಕಳಿಯುಳ್ಳ ವ್ಯಕ್ತಿಯಾಗಿದ್ದು, ಸೂರ್ಯ ಫೌಂಡೇಶನ್ ಎಂಬ ದೆಹಲಿ ಸಂಸ್ಥೆಯಲ್ಲಿ ಮಾದರಿ ಕೆಲಸ ಮಾಡಿರುವ ಹೆಗ್ಗಳಿಕೆ ಇವರಿಗಿದೆ. ಅಲ್ಲದೇ ಖ್ಯಾತ ಶ್ವಾಸಗುರು ಶ್ರೀ ವಚನಾನಂದ ಸ್ವಾಮಿಜಿ ಸಂಸ್ಥೆಯಲ್ಲಿ ಸೇರಿದ ಜಗದೀಶ ಬುಟ್ಟೆ. ಯೋಗ ಆಯುರ್ವೇದ ಮಸಾಜ್‌ನ ಪಂಚಕರ್ಮದಲ್ಲಿ ಡಿಪ್ಲೊಮಾ ಮುಗಿಸಿ ಬೆಂಗಳೂರು, ಮಂಗಳೂರು, ದೆಹೆಲಿ ಗುರುಗಳ ಮಾರ್ಗದರ್ಶನದಲ್ಲಿ ಯೋಗ ಶಿಕ್ಷಕರಾಗಿ ಸೇವೆ ಆರಂಭಿಸಿದ್ದಾರೆ.
ರಾಜ್ಯ ಸೇರಿದಂತೆ ದೇಶದ ವಿವಿಧೆಡೆ ಯೋಗದ ತರಬೇತಿ ನೀಡಿ ಪ್ರಾಣಾಯಮ, ಧ್ಯಾನ, ಮುದ್ರೆ, ಆಕ್ಯೂಪ್ರಶರ್, ಜೀವನಶೈಲಿ, ಆಹಾರಶೈಲಿ ಬಗ್ಗೆ ಅರಿವು ಮೂಡಿಸುವಲ್ಲಿ ನಿರತರಾಗಿ ಮಾದರಿ ಯುವಕನಾಗಿ ಹೊರಹೊಮ್ಮಿದ್ದಾರೆ. ಪ್ರಸ್ತುತ ಬೀದರ ದತ್ತಗಿರಿ ಶಾಲೆಯಲ್ಲಿ ಯೋಗ ಶಿಕ್ಷಕರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಪೈಲಟ್ ಬಾಬಾಜಿ, ಕೆನಡಾದ ಮದನ್ ಬಾಲಾಜಿ, ಜಪಾನಿನ ಕಿಕೋ ಐಕೋವಾಜಿ, ಪ್ರಾನ್ಸ್ನ ಹಠಯೋಗಿ ಕೌಡೋಕ್ಸ್, ವಾರಣಾಸಿಯ ಅಘೋರಿ ಬಾಬಾ ಶ್ರೀ ಕೃಷ್ಣನ್ ಅವರ ಜತೆಗೆ ಯೋಗದ ಬಗ್ಗೆ ತಿಳಿಸಿದ ತಾಲೂಕಿನ ಹೆಮ್ಮೆಯ ಯೋಗ ಗುರು. ಅನೇಕ ಸ್ವಾಮಿಜಿಗಳ ನೇತೃತ್ವದಲ್ಲಿ ಯೋಗ ತರಬೇತಿ ಮಾಡುವ ಮೂಲಕ ತಾಲೂಕಿಗೆ ಕೀರ್ತಿ ತಂದಿದ್ದಾರೆ ಆದ್ದರಿಂದ ಅವರನ್ನು ಪ್ರಸ್ತಕ ಸಾಲಿನ ಸಂತಪೂರ ರತ್ನ ಪ್ರಶಸ್ತಿ ನೀಡಿ ಗೌರವಿಸಲಾಗಿದೆ ಎಂದು ಪಿಡಿಒ ಸಂತೋಷ ಪಾಟೀಲ್ ತಿಳಿಸಿದ್ದಾರೆ.
ಗ್ರಾಮಸ್ಥರ ಹರ್ಷ : ಯೋಗ ಗುರು ಜಗದೀಶ ಬುಟ್ಟೆ ಅವರನ್ನು ಸಂತಪೂರ ರತ್ನ ಪ್ರಶಸ್ತಿ ಪ್ರದಾನ ಮಾಡಿರುವದನ್ನು ಗ್ರಾಪಂ ಅಧ್ಯಕ್ಷೆ ಮಹಾದೇವಿ ಪಾಟೀಲ್, ವಿಜಯಕುಮಾರ ಪಾಟೀಲ್, ಗ್ರಾಪಂ ಸದಸ್ಯರಾದ ಸಂತೋಷ ಹಟಕಾರ್, ಇಸ್ಮಾಲ್, ಶಿವಾಜಿ, ಶಿವಕುಮಾರ ಧನ್ನೂರೆ, ಶಿಕ್ಷಕರಾದ ಜಗನ್ನಾಥ ಬಿರಾದಾರ್, ನವನಾಥ ಹಟಕಾರ್, ನಾಗಯ್ಯ ಸ್ವಾಮಿ, ಶರಣಬಸವ ಚಿದ್ರೆ ಸೇರಿದಂತೆ ಗ್ರಾಮಸ್ಥರು ಹರ್ಷ ವ್ಯಕ್ತಪಡಿಸಿದ್ದಾರೆ.
ವರದಿ : ರಾಚಯ್ಯ ಸ್ವಾಮಿ