ರಾಜ್ಯ ಪೊಲೀಸ್ ಐಇಡಿ ತಂಡ ಹ್ಯಾಟ್ರಿಕ್ ಗೆಲವು.

ಕರ್ನಾಟಕ ರಾಜ್ಯ ಪೊಲೀಸ್ ಆಂತರಿಕ ಭದ್ರತಾ ವಿಭಾಗದ ಕೌಂಟರ್-ಐಇಡಿ ತಂಡವು NSG. ನವದೆಹಲಿ ರವರು ಆಯೋಜಿಸಿದ್ದ “VISFOT KAVACH IX” 9ನೇ ರಾಷ್ಟ್ರೀಯ ಜಂಟಿ ಕೌಂಟರ್-ಐಇಡಿ ಸ್ಪರ್ಧೆ 2025 ರಲ್ಲಿ ಐತಿಹಾಸಿಕ ಹ್ಯಾಟ್ರಿಕ್ ಗೆಲುವು ಸಾಧಿಸಿದೆ.

1. ಕರ್ನಲ್ ಎಸ್. ಎಂ ಅಕುಲ್ ಬಾಲಕೃಷ್ಣ ನೇತೃತ್ವದಲ್ಲಿ ಕರ್ನಾಟಕ ರಾಜ್ಯ ಪೊಲೀಸರ ಅಂತರಿಕ ಭದ್ರತಾ ವಿಭಾಗದ (ಐಎಸ್‌ಡಿ) ಕೌಂಟರ್-ಐಇಡಿ ತಂಡವು, ನವದೆಹಲಿಯ ರಾಷ್ಟ್ರೀಯ ಭದ್ರತಾ ಗಾರ್ಡ್‌ನ (ಎನ್‌ಎಸ್‌ಜಿ) ಸತತ ಮೂರನೇ ಬಾರಿಗೆ – 2022, 2024 ಮತ್ತು 2025 ರಲ್ಲಿ ನಡೆಸಿದ ರಾಷ್ಟ್ರೀಯ ಜಂಟಿ ಕೌಂಟರ್-ಐಇಡಿ “VISFOT KAVACH IX” ಸ್ಪರ್ಧೆಯನ್ನು ಗೆಲ್ಲುವ ಮೂಲಕ ಐತಿಹಾಸಿಕ ಹ್ಯಾಟ್ರಿಕ್ ವಿಜಯ ಸಾಧಿಸಿದೆ ಎಂಬುದು ಅಪಾರ ಹೆಮ್ಮೆ ಮತ್ತು ಗೌರವದ ವಿಷಯವಾಗಿದೆ.

2. ಈ ಅಪರೂಪದ ಸಾಧನೆಯು ಕರ್ನಾಟಕ ರಾಜ್ಯ ಪೊಲೀಸ್, ಕೌಂಟರ್-ಐಇಡಿ ಕಾರ್ಯಾಚರಣೆಗಳ ಕ್ಷೇತ್ರದಲ್ಲಿ ಸತತ ಮೂರು ರಾಷ್ಟ್ರೀಯ ಚಾಂಪಿಯನ್‌ಶಿಪ್‌ಗಳನ್ನು ಗಳಿಸಿದ ದೇಶದ ಏಕೈಕ ರಾಜ್ಯ ಪೊಲೀಸ್ ಪಡೆ. ಇದು ಐಎಸ್‌ಡಿ ಕೌಂಟರ್-ಐಇಡಿ ತಂಡದ ತಾಂತ್ರಿಕ ಶ್ರೇಷ್ಠತೆ, ವೃತ್ತಿಪರ ಸಾಮರ್ಥ್ಯ ಮತ್ತು ಕಾರ್ಯಾಚರಣೆಯ ಶಿಸ್ತಿಗೆ ಸಾಕ್ಷಿಯಾಗಿದೆ.

3. -(“VISFOT KAVACH IX” ) 9 ನೇ ಆವೃತ್ತಿಯು ನವದೆಹಲಿಯ ಎನ್‌ಎಸ್‌ಜಿಯಲ್ಲಿ ನವೆಂಬರ್ 10, 2025 ರಿಂದ ನವೆಂಬರ್ 15, 2025 ರವರೆಗೆ ನಡೆಯಲಿದೆ. ಈ ಕಾರ್ಯಕ್ರಮದಲ್ಲಿ ರಾಜ್ಯಗಳು, ಕೇಂದ್ರಾಡಳಿತ ಪ್ರದೇಶಗಳು ಮತ್ತು ಕೇಂದ್ರ ಸಶಸ್ತ್ರ ಪೊಲೀಸ್ ಪಡೆಗಳಿಂದ (CAPFs) ಸೇರಿ 28 ತಂಡಗಳು ಭಾಗವಹಿಸಿದ್ದವು. ಸ್ಪರ್ಧೆಯು ಮುಂದುವರಿದ ಬಾಂಬ್ ವಿಲೇವಾರಿ (BD) ತಂತ್ರಗಳು, IED ಗುರುತಿಸುವಿಕೆ ಮತ್ತು ತಟಸ್ಥಿಕರಣ ಮತ್ತು ಸಂಕೀರ್ಣ ಸನ್ನಿವೇಶ-ಆಧಾರಿತ ಕಾರ್ಯಾಚರಣೆಯ ವ್ಯಾಯಾಮಗಳ ಕುರಿತು ತಂಡಗಳನ್ನು ಕಟ್ಟುನಿಟ್ಟಾಗಿ ಪರೀಕ್ಷಿಸಿತು.

4. ಐಎಸ್‌ಡಿ ಕೌಂಟರ್-ಐಇಡಿ ತಂಡವು ಅತ್ಯುತ್ತಮ ಪ್ರದರ್ಶನ ಮತ್ತು ವೃತ್ತಿಪರತೆಯನ್ನು ಪ್ರದರ್ಶಿಸಿತು ಸ್ಪರ್ಧೆಯ ಎಲ್ಲಾ ವಿಭಾಗಗಳಲ್ಲಿ ಪ್ರಥಮ ಸ್ಥಾನವನ್ನು ಪಡೆದುಕೊಂಡಿತು ಇದು ರಾಷ್ಟ್ರಮಟ್ಟದಲ್ಲಿ ಅಪರೂಪದ ಮತ್ತು ಶ್ಲಾಘನೀಯ ಸಾಧನೆಯಾಗಿದೆ. ಇಂದು ಸಂಜೆ ಪದಕಗಳನ್ನು ಪ್ರಧಾನ ಮಾಡಲಿದ್ದು, ಫೋಟೋಗಳನ್ನು ಕಳುಹಿಸಲಾಗುವುದು.

-2-

ವರ್ಗಗಳು ಮತ್ತು ಸಾಧನೆಗಳ ವಿವರಗಳು

1. BD ಬಿಡಿ ಕೋರ್ಸ್‌ಗಳು ಮತ್ತು ಬಿಡಿ ಅನುಭವ ಪ್ರಥಮ ಸ್ಥಾನ.

2. ಸ್ಫೋಟಕಗಳು, ಬಿಡಿ ಉಪಕರಣಗಳು, ಐಇಡಿ ಘಟಕಗಳ ಪತ್ತೆ ಹಚ್ಚುವುದರಲ್ಲಿ ಪ್ರಥಮ ಸ್ಥಾನ.

3. ಐಇಡಿಗಳ ತಯಾರಿಕೆ – ಪ್ರಥಮ ಸ್ಥಾನ.

4. ಮೌಖಿಕ ಪರೀಕ್ಷೆಯಲ್ಲಿ ಪ್ರಥಮ ಸ್ಥಾನ.

5. ರಸಪ್ರಶ್ನೆ ಪರೀಕ್ಷೆ – ಪ್ರಥಮ ಸ್ಥಾನ.

6. ಬಿಡಿ ಸಲಕರಣೆ ನಿರ್ವಹಣೆ – ಪ್ರಥಮ ಸ್ಥಾನ.

7. ಕೌಂಟರ್-ಐಇಡಿ ವ್ಯಾಯಾಮಗಳು (ವಿವಿಧ ಸನ್ನಿವೇಶಗಳು) – ಪ್ರಥಮ ಸ್ಥಾನ.

8. ಕೇಸ್ ಸ್ಟಡಿ ಪ್ರಸ್ತುತಿಪಡಿಸುವುದರಲ್ಲಿ ಪ್ರಥಮ ಸ್ಥಾನ.

9. ಕೆ9 (ಸ್ಫೋಟಕ ಪತ್ತೆ ನಾಯಿ ಸ್ಪರ್ಧೆ) – ಪ್ರಥಮ ಸ್ಥಾನ.

10. ನಾವೀನ್ಯತೆಗಳು – ಪ್ರಥಮ ಸ್ಥಾನ.

ಕರ್ನಾಟಕ ರಾಜ್ಯ ಪೊಲೀಸ್ ಆಂತರಿಕ ಭದ್ರತಾ ವಿಭಾಗದ ಕರ್ನಲ್ ಎಸ್.ಎಂ. ಅಕುಲ್ ಬಾಲಕೃಷ್ಣ ರವರ ನೇತೃತ್ವದ ತಂಡ ಬಹಳ ಶ್ರಮವಹಿಸಿ ಸತತ ಮೂರು ವರ್ಷಗಳ ಗೆಲವು ಸಾಧಿಸುವಲ್ಲಿ ಯಶಸ್ವಿಯಾಗಿರುತ್ತಾರೆ.

ಮೂರನೇ ಬಾರಿ ಗೆಲುವು ಸಾಧಿಸುವುದರ ಮೂಲಕ ಐತಿಹಾಸಿಕ ಹ್ಯಾಟ್ರಿಕ್ ಸಾಧನೆ ಮಾಡಿದಂತಹ ತಂಡದ ಎಲ್ಲರಿಗೂ ರಾಜ್ಯದ ಡಿಜಿ ವತ್ತು ಐಜಿಪಿ ಡಾ.ಎಂ.ಎ.ಸಲೀಂ ರವರು ಶುಭಹಾರೈಸಿ ತುಂಬುಹೃದಯದಿಂದ ಶ್ಲಾಘಿಸಿ ತಂಡದ ಎಲ್ಲರಿಗೂ ಸೂಕ್ತ ನಗದು ಬಹುಮಾನ ನೀಡಲಿದ್ದಾರೆ.