ನವದೆಹಲಿ: ಆಧಾರ್ ಆಫ್‌ಲೈನ್ ಪರಿಶೀಲನಾ ವ್ಯವಸ್ಥೆಯನ್ನು ವಿಸ್ತರಿಸಲು UIDAI ಮಹತ್ವದ ಹೆಜ್ಜೆ.
ದೇಶದಲ್ಲಿ ಆಧಾರ್ ಆ್ಯಪ್ ನ ಬಳಕೆ ಹೆಚ್ಚಾಗುತ್ತಿರುವ ಹಿನ್ನೆಲೆಯಲ್ಲಿ, ಜನವರಿಯಲ್ಲಿ ಬಿಡುಗಡೆಯಾದಾಗಿನಿಂದ ಯುಐಡಿಎಐ 300 ಆಫ್‌ಲೈನ್ ಪರಿಶೀಲನೆ ಹುಡುಕುವ ಘಟಕಗಳನ್ನು (OVSE) ಸೇರಿಸಿಕೊಂಡಿದೆ. ಹೋಟೆಲ್, ಆಸ್ಪತ್ರೆ, ಶಿಕ್ಷಣ, ಗಿಗ್ ಆರ್ಥಿಕತೆ ಸೇರಿದಂತೆ ವಿವಿಧ ಕ್ಷೇತ್ರಗಳಲ್ಲಿ ಇದರ ಬಳಕೆ ವಿಸ್ತರಿಸಲಾಗುತ್ತಿದೆ.
ಆಧಾರ್ ಆ್ಯಪ್ ಇಲ್ಲಿಯವರೆಗೆ ಸುಮಾರು 7.5 ಕೋಟಿ ಡೌನ್‌ಲೋಡ್ ಗಳನ್ನು ದಾಖಲಿಸಿದೆ. ಈ ಆ್ಯಪ್ ಮೂಲಕ 86 ಲಕ್ಷಕ್ಕೂ ಹೆಚ್ಚು ಜನರು ಮೊಬೈಲ್ ಸಂಖ್ಯೆಯನ್ನು ನವೀಕರಿಸಿದ್ದಾರೆ. 22 ಲಕ್ಷಕ್ಕೂ ಹೆಚ್ಚು ವಿಳಾಸ ನವೀಕರಣಗಳು ಮತ್ತು 40 ಲಕ್ಷ ಇಮೇಲ್ ನವೀಕರಣಗಳನ್ನು ಸುಗಮಗೊಳಿಸಲಾಗಿದೆ.
ಇದರ ಜೊತೆಗೆ 4.6 ಕೋಟಿ ಬಯೋಮೆಟ್ರಿಕ್ ಲಾಕ್ ಮತ್ತು ಅನ್‌ಲಾಕ್ ವಹಿವಾಟುಗಳು ದಾಖಲಾಗಿವೆ. ಇದು ಡಿಜಿಟಲ್ ಭದ್ರತಾ ವೈಶಿಷ್ಟ್ಯಗಳ ಬಗ್ಗೆ ಜನರಲ್ಲಿ ಹೆಚ್ಚುತ್ತಿರುವ ಅರಿವನ್ನು ತೋರಿಸುತ್ತದೆ. 3.61 ಲಕ್ಷ ಆಧಾರ್ ಲಾಕ್ ಮತ್ತು ಅನ್‌ಲಾಕ್ ವಹಿವಾಟುಗಳೂ ಆ್ಯಪ್ ಮೂಲಕ ನಡೆದಿವೆ.
ಕೇಂದ್ರಕ್ಕೆ ಹೋಗದೆ ಮೊಬೈಲ್‌ನಲ್ಲೇ ಆಧಾರ್ ಸೇವೆ ಸಿಗುತ್ತಿರುವುದು ಜನರಿಗೆ ಜೀವನವನ್ನು ಸುಲಭಗೊಳಿಸಿದೆ. ಇದು ಡಿಜಿಟಲ್ ಇಂಡಿಯಾ ಮತ್ತು ವಿಕಸಿತ ಭಾರತದ ದೃಷ್ಟಿಕೋನಕ್ಕೆ ಪೂರಕವಾಗಿದೆ ಎಂದು ಯುಐಡಿಎಐ ತಿಳಿಸಿದೆ.