ಚಿಂಚೋಳಿ : ತಾಲುಕಿನ ಚಿಮ್ಮಇದಲಾಯಿ ಮುಖ್ಯ ರಸ್ತೆ ಹಾಳಾಗಿದ್ದು ನಿತ್ಯ ರಸ್ತೆಯ ಮೇಲೆ ವಾಹನ ಸವಾರರು, ಸಾರ್ವಜನಿಕರು, ನರಕ ಯಾತನೆ ಅನುಭವಿಸುತ್ತಿದ್ದು, ಪ್ರತಿ ನಿತ್ಯ ಅಪಘಾತಗಳು ಸಂಬವಿಸುತ್ತಿದ್ದು ಇದರ ಹೊಣೆ ಹೋರುವರು ಯಾರು? ಸವಾರರು ಸರಕಾರ & ಸಂಬಂಧ ಪಟ್ಟ ಅಧಿಕಾರಿಗಳಿಗೆ ಹಿಡಿಶಾಪ ಹಾಕುತ್ತಿದ್ದಾರೆ ಇಂತಹ ರಸ್ತೆಗಳ ಸುಧಾರಣೆ ಯಾವಾಗ ಎಂಬುದೆ ಯಕ್ಷಪ್ರಶ್ನೆ ಯಾಗಿದೆ . ಚಿಮ್ಮ ಇದಲಾಯಿ ಗ್ರಾಮಸ್ಥ ಶಿವಯೋಗಿ ರುಸ್ತಂಪೂರ ಪ್ರತಿಕ್ರಿಯಿಸಿ ನಿರಂತರ ಮಳೆಯಿಂದ ತಾಲೂಕಿನ ಅದ್ಯಂತ ರಸ್ತೆಗಳು ಹಾಳಾಗಿದ್ದು ನಮ್ಮ ಗ್ರಾಮದ ಮುಖ್ಯ ರಸ್ತೆ ತುಂಬಾ ಹದಗೆಟ್ಟಿದ್ದು ಸರಕಾರವು ವಿಶೇಷ ಹೆಚ್ಚಿನ ಅನುದಾನವನ್ನು ಕೊಟ್ಟು ಈ ರಸ್ತೆಗಳ ಸುಧಾರಣೆ ಮಾಡಬೇಕಾಗಿದೆ, ಆದರೆ ಸರಕಾರ ತನ್ನ ಗಾಡ ನಿದ್ರೆಯಲ್ಲಿ ಮಲಗಿದಂತೆ ಕಾಣುತ್ತಿದೆ, ಈ ರಸ್ತೆ ಮೇಲೆ ಅಪಘಾತವಾಗಿ ಮರಣ ಹೊಂದಿದ್ದರೆ ಇದಕ್ಕೆ ನೇರವಾದ ಹೊಣೆ ಸರಕಾರ ಮತ್ತು ಸಂಬಂಧಪಟ್ಟ ಅಧಿಕಾರಿಗಳೇ ಹೊರಬೇಕಾಗುತ್ತದೆ ಎಂದು ಎಚ್ಚರಿಸಿದರು.
ವರದಿ : ರಾಜೇಂದ್ರ ಪ್ರಸಾದ್